தாடி வைப்பது வலியுறுத்தப்பட்ட சுன்னத்:

தாடி வைப்பது வலியுறுத்தப்பட்ட சுன்னத்:

நபி (ஸல்) கூறினார்கள்:-

      மீசையைக்கத்தரித்து தாடியை வளர்ப்பதன் மூலம் முஷ்ரிகீன்களுக்கு மாற்றம் செய்யுங்கள் (ஏனெனில் அவர்கள் பெரும்பாலும் மீசையை வளர்ப்பார்கள், தாடியைச் சிரைப்பார்கள்) நூல்: முஸ்லிம்

ஜாபிர் இப்னு ஸமுரா (ரலி) அவர்கள் அறிவித்துள்ளார்கள்:-

நபி (ஸல்) அவர்கள் அடர்ந்த தாடி உடையவர்களாக இருந்தார்கள்.

(நூல்: முஸ்லிம்)

  மேலும், அல்லாஹ் திருக்குர்ஆனில் கூறும்போது (இறைவனின் கட்டளைக்கிணங்க, மூஸா (அலை) ‘’தவ்ராத்’’ வேதத்தைப் பெற்றுக் கொண்டு திரும்பியபோது பனீ இஸ்ரவேலர்கள் வழி கேட்டில் இருப்பதைக் கண்டு கோபம் கொண்டவராக தன் சகோதரர் ஹாரூன் (அலை) உடைய தலைமுடியையும், தாடியையும் பிடித்து உலுக்கி இவர்கள் வழிதவறுவதை நீங்கள் பார்த்தபோது அதை நீர் தடுக்காமல் இருந்தது ஏன்? என்று கேட்டதாகவும், அதற்கு ஹாரூன் (அலை) ‘’என் தாயின் மகனே! (சகோதரனே!) என் தலைமுடியையும், தாடியையும் பிடிக்காதீர்கள்’’ என்று கூறி தன் சூழ்நிலையை விளக்கியதாகவும் ‘’அல்லாஹ் கூறுவதைப்பார்க்கும்போது, நபிமார்கள் தாடி வைத்துள்ளார்கள் என்பதும் அது கையால் பிடிக்கக்கூடிய அளவுக்கு இருந்தது என்பதும் தெளிவாகிறது. தாடி வைக்க வேண்டுமென்பது ஒரு சட்டம். அது இந்த அளவு இருக்க வேண்டுமென்பது மற்றொரு சட்டம். இரண்டு சட்டங்களையும் பேணுபவர்தான் சுன்னத்தான தாடி வைத்திருக்கிறார் என்று சொல்லப்படும்.

தாடி - உடல் ரீதியான பலன்

   ஆண்களின் உடம்பில் ஆண்மையை அதிகரிக்கச் செய்யக்கூடிய பாலியல் சுரநீர்களை விஞ்ஞானிகள் இரண்டு வகையாக பிரிக்கிறார்கள். 1. முதலாம் தர பாலியல் சுரநீர். 2. இரண்டாம் தர பாலியல் சுரநீர் ஒரு முஸ்லிம் ஐந்து நேரத் தொழுகையை முழுமையாக தொழும்போது அவனுடைய முதுகுத்தண்டு குறைந்த பட்சம் 34 தடவையாவது வளைந்தெடுக்கப்படுவதால் அவனுடைய கிட்னிக்கு மேல் தொப்பி போல இருக்கின்ற ஒரு வித சுரப்பி தூண்டப்பட்டு ஆண்களுக்கு விந்தணு உற்பத்தியையும், பெண்களுக்கு சினை முட்டை உற்பத்தியையும் உண்டாக்குகின்றது.

இது முதல் தர சுர நீர் ஆகும். அடுத்ததாக ஆண்கள் தாடி வைப்பதாலும் உடம்பில் ஒரு வித சுரநீர்கள் தூண்டப்பட்டு விந்தணு உற்பத்தியை அதிகரிக்கச் செய்கின்றன. இது இரண்டாம் தர சுரநீர் ஆகும். இவ்விரண்டு சுரநீர்களும் சேர்ந்து கூட்டாக செயலாற்றி ஆண்மையை அதிகரிக்கச் செய்கின்றன.

ஆண்மைக்கு அழகு சேர்க்கும் தாடி

இன்றைய முஸ்லிம்கள் பலர் தாடி வைப்பதை அழகுக்குறைவாக கருதுகின்றனர். ஆனால், இஸ்லாத்தின் கண்ணோட்டத்திலும், இயற்கை அமைப்பின்படியும் தாடி என்பது ஆண்மைக்கு அழகு சேர்க்கும் அம்சமாகும்.

ஆண் சிங்கத்திற்குத்தான் பிடரி மயிர் இருக்கிறது.

ஆண் யானைக்குத்தான் தந்தம் இருக்கிறது.

ஆண் மயிலுக்குத்தான் தோகை இருக்கிறது.

ஆண் கோழிக்கு (சேவல்)த்தான் கொண்டை இருக்கிறது.

இவ்வாறு மிருகங்களிலும் பறவைகளிலும் ஆண் இனத்தை தாடியைக் கொண்டு அல்லாஹ் சிறப்பாக்கி வைத்துள்ளான். ஆனால், ‘மொழு, மொழு வென்று இருக்கும் பெண்களை அழகிய உருவமாக கருதிப்பழகி விட்ட ஆண்களுக்கு தாடியுடன் இருப்பவர்களைக்கண்டால் அசிங்கமாகத்தோன்றும். ஆனால், உண்மையில் தாடிதான் ஆண்மைக்கு அழகானதாகும்.

தாடியை ஒழுங்கு படுத்துவது

தாடி வைக்க வேண்டும் என்று வலியுறுத்தக்கூடிய இஸ்லாம், சந்நியாசிகளைப்போல அளவுக்கு மீறி வைக்கச்சொல்லவில்லை. அந்த வகையில் தாடியை எவ்வளவு நீளம் வளர்ப்பது என்பதில் ஹதீஸ் மற்றும் ஃபிக்ஹ் மேதைகளின் கருத்துகள் பின்வருமாறு:-

அம்ரு ப்னு ஷுஐப் (ரலி) அவர்கள் தன் பாட்டனாரின் வாயிலாக அறிவித்துள்ளார்கள்:-

நிச்சயமாக நபி (ஸல்) அவர்கள் தனது தாடியை அகலத்திலும், நீளத்திலும் (ஆங்காங்கே நீண்டு கிடக்கும் முடிகளை) எடுப்பவர்களாக இருந்தார்கள். (திர்மிதி)

தாடியை ஒரு பிடியைவிட நீளமாக வளர்ப்பது மக்ரூஹ் என இமாம் மாலிக் (ரஹ்) கூறியுள்ளார்கள். வேறு சிலர் ஒரு கைப்பிடி அளவு என்றும் அதைவிட அதிகமாக உள்ளதை வெட்டி விட வேண்டும் என்றும் கூறியுள்ளார்கள். காழி இயாள் (ரஹ்) கூறும்போது ‘’நீளத்திலும், அகலத்திலும் தாடியைச் சரி செய்வது சிறந்ததாகும். தன்னுடைய தாடியைப் பெரிதாக வளர்த்து, அதன் மூலம் பிரபலமாக ஆக முயற்சிப்பது மக்ரூஹ் ஆகும்’’  என கூறியுள்ளார்கள்.

நூல்: நவவீ (ரஹ்) எழுதிய ஷஷஷரஹு முஸ்லிம்||)

மீசையைக்கத்தரிக்க வேண்டும்

நபி (ஸல்) கூறினார்கள்:-

யார் மீசையைக் கத்தரிக்கவில்லையோ அவர் நம்மைச் சார்ந்தவர் அல்லர்’’

மேலும் நபி (ஸல்) கூறினார்கள்:-

ஐந்து விஷயங்கள் நபிமார்களின் சுன்னத்துகளாகும். 1. கத்னா செய்தல். 2. மறைவிட ரோமங்களைக்களைதல். 3. மீசையைக் கத்தரித்தல் 4. நகம் வெட்டுதல் 5. அக்குள்முடிகளைப் பிடுங்குதல்.   (நூல்: புகாரி, முஸ்லிம்)

மற்றோர் அறிவிப்பில் பின்வருமாறு கூறப்பட்டுள்ளது:-

நபி (ஸல்) கூறினார்கள்:-

பத்து விஷயங்கள் ஆரம்ப கால சுன்னத்துகளாகும். 1. மீசையைக்கத்தரிப்பது. 2. தாடியை வளர்ப்பது. 3. மிஸ்வாக் செய்வது. 4. நாசிக்கு நீர் செலுத்துவது. 5. நகம் வெட்டுவது. 6. (கை, கால், விரல்) இடுக்குகளைக் கழுகுவது 9. தண்ணீரைக்குறைவாகச் செலவு செய்வது 10. வாய்க்கொப்பளிப்பது. (நூல்: புகாரி, முஸ்லிம்)

இப்னு அப்பாஸ் (ரலி) அறிவித்துள்ளார்கள்:-

நபி (ஸல்) அவர்கள் தங்களின் மீசையை கத்தரிப்பவர்களாக இருந்தார்கள். மேலும், கூறுவார்கள்:- அல்லாஹ்வின் நண்பர் ஹழ்ரத் இப்றாஹீம் (அலை) இவ்வாறுதான் செய்பவர்களாக இருந்தார்கள்|| (நூல்: பஜ்ஜாஜ்)

ஒரு முறை நபி (ஸல்) அவர்கள் நீளமான மீசை வளர்த்திருந்த ஒருவரைப் பார்த்ததும் (தோழர்களிடம்) குச்சியையும், கத்தரியையும் கொண்டு வாருங்கள்! என்று கூறி அந்த குச்சியை மீசையில் வைத்து அதைவிட அதிகமாக உள்ள முடிகளை கத்தரித்தார்கள். (நூல்: பஜ்ஜாஜ்)

மீசையை மழிப்பது மக்ரூஹ்

ஷஷமீசையைக் கத்தரியுங்கள்|| என்ற ஹதீஸின் மூலம் ஷஷமீசையை முற்றிலுமாக மழிப்பது மக்ரூஹ்|| என்பதாக ஃபிக்ஹ்|| நூற்களில் கூறப்பட்டுள்ளன.

மீசையை கத்தரிக்க வேண்டும் மாறாக மீசையை முற்றிலுமாக சிரைத்து விடுவது பித்அத் ஆகும். (நூல்: துர்ருல் முக்தார்)

ஒருவருடைய புருவ முடிகள் எவ்வளவு இருக்குமோ அந்த அளவு மீசையை விட்டுவிட்டு அதற்கு அதிகமானவற்றை கத்தரிக்க வேண்டும். (நூல் : ஆலம்கீரி)

மீசையை முற்றிலுமாகச் சிரைத்து விடுவது மக்ரூஹ்’’ என காழி இயாழ் (ரஹ்) கூறியதாக முஸ்லிம் ஷரீபுடைய விரிவுரையில் நவவீ (ரஹ்) கூறியுள்ளார்கள்.

மீசையை நீளமாக வைப்போரின் கவனத்திற்கு.....

ஹழ்ரத் யஜீது இப்னு அபூ ஹுபைப்(ரலி) அறிவித்துள்ளார்கள்:

நெருப்பை வணங்குபவர்களான இருவர் நபி (ஸல்) அவர்களிடம் வந்தனர் இவ்விருவரும் தாடியை முழுமையாகச் சிரைத்து மீசையைப் பெரிதாக வளர்த்திருந்தனர். நபி (ஸல்) அவர்கள் இவ்விருவரையும் பார்த்து அருவருப்படைந்தவர்களாக உங்கள் இருவருக்கும் நாசம் உண்டாகட்டும்! என்று கூறினார்கள். அதற்கு அவ்விருவரும் எங்கள் அரசன் இவ்வாறு தான் எங்களை செய்யச் சொன்னார்’’ என்று கூற ‘’நிச்சயமாக எனது ரப்பு (அல்லாஹ்) எனது தாடியை நீளமாகவும், எனது மீசையைக்கத்தரித்துக் கொள்ளும்படியும் ஏவினான்|’’ என்று கூறினார்கள்.

குறிப்பு :-

கீழ் உதட்டின் அருகில் உள்ள முடிக்கு குட்டி தாடி என்று கூறப்படும். இதை முற்றிலுமாக நீக்கி விடுவது தவறான செயலாகும். அதே போல புருவத்தின் முடிகளை எடுப்பதும், சரியானதல்ல, அதுபோல மூக்கின் துவாரத்திற்குள் வளர்ந்துள்ள முடிகளை அவை வெளியே நீட்டிக்கொண்டிருந்தால் கத்தரிக்க வேண்டுமே தவிர நாசியின் முடிகளை முற்றிலுமாக சிரைப்பது கூடாது. மூக்கு துவாரத்திற்குள் முடிகள் இருப்பதால் தூசிகளும் நோய்க்கிருமிகளும் உள்ளே செல்வது தடை செய்யப்பட்டு வெண்குஷ்டம் ஏற்படாமல் பாதுகாக்கப்படுகிறது.||

தாடிக்கு மருதாணி

ஆண்கள் மருதாணி இடுவது கூடாது என நபி (ஸல்) தடுத்துள்ளார்கள். ஆனால், நரைத்துப்போன தாடி, மற்றும் தலைமுடிக்கு மருதாணி இட்டு சிவப்பாக்கிக் கொள்வதை வரவேற்றுள்ளார்கள்.

நபி (ஸல்) கூறினார்கள்:-

நிச்சயமாக யூதர்களும், கிருஸ்தவர்களும் (தலைமுடிக்கும், தாடிக்கும்) சாயம் போட மாட்டார்கள். நீங்கள் அவர்களுக்கு மாற்றம் செய்யுங்கள். (நூல்:புகாரி, முஸ்லிம்)

மேலும் நபி (ஸல்) கூறினார்கள்:-

நிச்சயமாக நரைமுடியை (நிறம்) மாற்றுவதற்கு மிகச் சிறந்த சாதனமாகிறது மருதாணி இலையாகும். (நூல் : திர்மிதி, அபு தாவூத்)

உதுமான் இப்னு அப்துல்லாஹ் (ரலி) அறிவித்துள்ளார்கள்:-

நான் உம்மு ஸலமா (ரலி) அவர்களிடம் சென்றேன். அப்போது அவர்கள் நபி (ஸல்) அவர்களுடைய (தலை) முடிகளில் ஒன்றை எங்களுக்கு எடுத்துக்காட்டினார்கள். அது (மருதாணியால்) சாயம் இடப்பட்டதாக இருந்தது. (நூல்: புகாரி)

            அமெரிக்காவில் உள்ள சிகாகோ பல்கலைக்கழகத்தின் சமூக உளவியல் துறையைச் சேர்ந்த டாக்டர் டேனியல் நி பிரீட்மான் (Daniel G.Freeman) என்பவர் தாடி வளர்ப்பதால் உண்டாகும் இனப்பெருக்க மதிப்பு (Reproductive Value) பற்றி ஓர் ஆய்வு மேற்கொண்டார்.இதை நிரூபிக்க, அவரும் அவரின் மாணவர்களும் ஒரு குறிப்பிட்ட சில இளங்கலை மாணவர்களிடம், தாடி வைப்பதால் அவர்களுக்கு என்னென்ன உணர்வுகள் ஏற்படுகின்றன என்பதைப் பற்றி பிரிண்ட் செய்யப்பட்ட கேள்வி மூலமாகவும் மற்றும் நேர்காணல் மூலமாகவும் ஆய்வு செய்தார்.ஆய்வு செய்யும் ஒரு மாணவர், பல மாணவிகளிடம் "தாடி வைத்த ஆண்களைப்பற்றி என்ன உணர்கின்றீர்கள்" என்று நேர்காணல்எடுத்தார்.     அனேகமாக எல்லா மாணவிகளும், தாடியுடன் உள்ள ஆண்களின் முகம், முழுவதுமாக சவரம் செய்யப்பட்ட ஆண்களின் முகத்தைக் காட்டிலும் அதிக ஆண்மைத்தனம், முதிர்ச்சித்தன்மை, சுதந்திர உணர்வு கொண்டதாக இருப்பதாக தெரிவித்து இருந்தனர்.இறுதியாக இந்த ஆய்வு "தாடி, ஒரு பாலியல் காந்த விசையாகவும், ஆண்களைஅதிகம் கவர்ச்சியாகவும், பெண்களுக்கு ஓர் ஈர்க்கின்ற விதமாகவும் இருப்பதாகத் தீர்மானிக்கிறது. (they concluded from their studies that beard increases “sexual magnetism” and attractiveness andmakes men more appealing to women.)(பெண்களின் கூந்தல் பாலியல் உறவுக்கு எந்த வகையிலும் சம்மந்தமில்லாமல் இருந்தபோதும் எப்படி ஆண்களை ஈர்ப்பதாக உள்ளதோ அது போல் தாடி பெண்களை ஈர்க்கிறது என்பது இதன் கருத்தாகும்.)     கலிபோர்னியா ஸ்டேட் பல்கலைக்கழகத்தின் உளவியலாளர் ராபர்ட் ஜே.பெல்லிக்ரிணி என்பவர் 1973ஆம் ஆண்டு உளவியல் பத்திரிகையில் ஒரு ஆராய்ச்சி முடிவை வெளியிட்டார். இந்த ஆய்வுக்காக அவர், 22 வயது முதல் 25 வயது வரையிலான தங்கள் தாடியை முழுவதுமாக சவரம் செய்ய விருப்பமுள்ள எட்டுப் பேரை தேர்ந்தெடுத்தார். அவர்கள் அனைவரும் கீழ்க்கண்ட நான்கு நிலைகளில் புகைப்படம் எடுக்கப்பட்டனர்.1. முழு தாடியுடன்2. குறுந்தாடியுடன்3. மீசையுடன்4. முழுவதும் சவரம் செய்யப்பட்ட முகத்துடன்.இந்தப் புகைப்படங்கள் எடுத்து முடித்த உடன், மொத்தம் 32 போட்டோக்களில் ஒவ்வொரு படமும் இரண்டு ஆண்கள் இரண்டு பெண்களிடம் கொடுக்கப்பட்டன. இப்படி 64 ஆண்களிடமும் 64 பெண்களிடமும் கொடுக்கப்பட்டன. அந்த ஆண்களிடமும்,பெண்களிடமும், அந்த போட்டோவில் உள்ளவர்களின் ஆளுமைப்பண்பு கூறுகள் (Personality trait) அடிப்படையில் முதன் முதலில் போட்டோவைப் பார்த்தவுடன் ஏற்பட்ட உணர்வு, அபிப்பிராயத்தை, (first impression) மதிப்பிடுமாறு கூறப்பட்டது.அந்த ஆய்வின் முடிவு இப்படித் தீர்மானிக்கிறது. "அந்த ஆண்களின் ஆண்மைத் தன்மை, நல்ல தோற்றம், ஆதிக்க உணர்வு, முதிர்ந்த தன்மை, தைரிய தோற்றம், தாராளவாத இயல்பு, ஆரோக்கியத் தன்மை, கவர்ச்சித் தோற்றம் ஆகிய பண்புகளும் அவர்களின் முகத்தில் உள்ள முடிகளின் எண்ணிக்கையுடன் நேரடி தொடர்பு உள்ளதாக நிரூபித்துள்ளது"(The result of this studied by Pelligrini indicated a generally positive correlation between the amount of hair on the person’s face and is being perceived as masculine, good looking, dominant, mature, courageous, liberal, non-confirming, older healthy and attractive.)அமெரிக்க மருத்துவர் டாக்டர்.சார்லஸ் ஹோமேஸ் (Charles Holmes) என்பவர் இப்படிக் கூறுகிறார்:"மக்கள் தாடி வளர்க்க ஏன் கஷ்டப்படுகிறார்கள் என்று தெரியவில்லை? தலையில் முடி வளர்க்கும்போது, அதே முடியை முகத்தில் வளர்ப்பதில் என்ன பிரச்சினை உள்ளது என்று தெரியவில்லை?” என்கிறார்.    தலையின் முடி கொட்டிவிட்டால், மிககஷ்டப்பட்டு வெட்கப்படும் அதே மக்கள், சந்தோசமாக தாடியை ஏன் சவரம் செய்கிறார்கள் என்பது ஆச்சர்யமாக உள்ளது.நீண்ட தாடி ஒரு மனிதனின் தடுமல், சளி கழுத்தை நெருங்குவதை விட்டும் தடுக்கிறது.தாடி மார்க்க கட்டளை மட்டுமின்றி,மனிதனுக்கு பயன் அளிக்கக்கூடியதும் ஆகும். முந்தைய அறிவு ஜீவிகள், மருத்துவர்கள் எல்லோரும் தாடி வளர்ப்பவர்களாக இருந்தார்கள். உதாரணம், லூயிஸ் பாஸ்டர், ஆபிரகாம் லின்கன் உட்பட பலர்.மேற்சொன்ன முன் நிகழ்வுகள், ஆய்வுகள், அறிக்கைகள் எதுவும் முஸ்லிம்களால் சொல்லப்பட்டதோ அல்லது செய்யப்பட்டதோ அல்ல.ஒரு முஸ்லிம் இளைஞன் தாடியுடன் ஒரு கிறித்தவ நிறுவனத்திற்கு ஒரு நேர்காணலுக்குச் சென்றான். அவன் தாடியை மழித்தால் வேலை தருவதாக அந்த நிறுவனம் கூறியது. அவன் அதை மறுத்துவிட்டு வெளியில் வந்து, அங்கு இருந்த இயேசுவுடைய போட்டோவை எடுத்துச் சென்று "நீங்கள் இயேசு எனக்கருதக்கூடிய இவர் நேர்காணலுக்கு வந்து இருந்தால், அவரிடம் இதே நிபந்தைனையைச் சொல்வீர்களா?" என்று கேட்டு, அவர்களை வாயடைக்கச் செய்தான். ஒவ்வொரு முஸ்லிமின் மனப்பாங்கும் இப்படித்தான் இருக்க வேண்டும்.மூட நம்பிக்கையும், மருத்துவ உண்மையும்:"தாடியில் வளரும் பாக்டீரியா போன்ற நுண்கிருமிகள் சுகாதாரத்தைக் கெடுக்கும்" என்று சிலர் நம்புகிறார்கள். ஆனால் இது மூட நம்பிக்கை